Archive

Archive for ජූලි, 2011

…පුළුවන් තරං යතාර්ථයට ලංවෙන්න | get closer to the reality as much as you can.

1

අපේ රටේ ඇති දේ ඇති සැටියෙන් දකින්න පුළුවන් මිනිස්සු ඉන්නේ අතලොස්සයි.

ඇත්ත උනත් කියන මිනිහගේ පෞරුෂය අනුව එක මිනිස්සු අතරට යන විදිහ වෙනස් වෙනවා.

අද සමහර රතු පාට කමිස අදින අය කියන විදිහට හච්චිමක් ගියත් ඒක අධිරාජ්‍යයවාදී කුමන්ත්‍රණයක්.

අනිත් දේ කවුරු කොහොම අදහසක් ඉදිරිපත්කලත් ඒකට දේශපාලන ලේබල් එකක් වදිනවා.

අර දවසක් මම “චේ ගුවේරා” කියන පුද්ගලයා ගැන ලංකාවේ මිනිස්සු හිතන ඉන්න විදිහ ගැන.

ඒ පරණ ලිපිය මෙතනින් කියවන්න.

1

1

මොහාන් සමරනායක කියන පුද්ගලයා අපි මුලින්ම දැක්කේ ඉස්සර රූපවාහිනියේ ආයුබෝවන් වැඩසටහනෙන්.

ඔහු අවිවාදාත්මකව බොහෝ ඇසු පිරූ තැන් ඇති අයෙක්.

සත්‍ය වටහාගන්න උත්සාහයක් දරන්න තරම් උවමනාව තියෙන කෙනෙක්ට ,

ඉගෙන ගන්න ඕනෙ තරම් දේවල් ඔහුගේ මේ කතාවේ තියෙනවා.

ප්‍රවර්ග:චරිතාපදාන | Biography

“වෙනස්වීමේ” සුළඟ | wind of change

1

“වෙනස්වීමේ” සුළඟට කන්දෙමින්,

මම මොස්කොව් හි ගෝර්කි උද්‍යානය වෙත පිය නැගුවෙමි.

එය අගෝස්තුවේ ගිම්හාන රැයකි.

සොල්දාදුවන් අප පසුකර පියනගයි.

මම තවමත් වෙනස්වීමේ සුළඟට සවන්දෙමි.

ලෝකය අපි හිතනවාට වඩා අප ලඟට පැමිණ ඇත.

ඔබ කිසිදා නොසිතුවාට

අපිටත් සහෝදරයින් වගේ එකට ලංවී ඉන්නට පුළුවනි.

1

අනාගතයේ සුවඳ සුළගේ රැදී ඇත,

මට එය සැම දෙසින් දැනේ.

එය සුළඟේ පාවී යයි.

1

සුන්දර රාත්‍රියක,

ඒ චමත්කාර මොහොත වෙත මාව රැගෙන යන්න.

ඒ හෙට දවසේ දරුවන්

“වෙනස්වීමේ” සුළඟේ සිහින දකින මොහොතයි.

1

මම මාවත දිගේ ඇවිද යමි,

අතීතය නම් පොළොවේ වලලන ලද,

ඈත මතකයන් මට සිහියට නැගේ.

1

“වෙනස්වීමේ” සුළඟ හමන්නේ,

කාලය නම් මුහුණත ඉදිරියටය.

එය කුණාටුවකි.

එය නිවහල් සිතුවිලි පුබුදන,

නිදහස නම් සීනුව නාද කරනු ඇත.

1

ඔබේ බැලලයිකාව ගයන්න ඉඩදෙන්න,

ඔබේ ගිටාරය වයන්නට උවමනා ස්වරයට ඉඩ දෙන්න.

1

ප.ලි

1

මේ ගීතය ‘ස්කොර්පියන්ස් ‘ සන්ගාත් කණ්ඩායමේ ඉතාම පරණ ගීතයක්.

ඔවුන් මෙයට පාදක කරගෙන තියෙන්නෙ ඇමරිකාව සහ රුසියාව අතර සීතල යුද්ධය අවසන් වීම සහ රුසියාවෙහි බිඳවැටීම මුල්කරගෙනයි.

ඇත්තටම මේක අදාළ ජර්මනිය සහ අනෙකුත් නෙගනහිර යුරෝපීය රටවල් වල ඉන පසුව ඇතිවූ වෙනස්කම් වලටයි.

1

මෙය අපේ රටට කොතරම් අදාලද කියන එක මම කියන්නේ නැහැ.

හැමදේම වගේ දේශපාලනික ඇස් කන්නාඩි දාල බලන අපේ වගේ සමාජයක,

අදහස් ප්‍රකාශ කරන එක එක්තරා විදිහක ලේබල් ගහ ගැනීමක්.

මට දේශපාලනික ලේබල් ගහගන්න ඕනේ නැහැ.

මේ බ්ලොග් අවකාශය විතරක් නෙමයි ෆේස්බුක් , ට්විටර් වුනත් ගොඩක් විට

පිරිලා ඉන්නේ ඒ වග කන්නාඩි දාල ඉන්න අයගෙන්.

1

එක අතකට ඒකෙ වැරද්දක් නැහැ.

අපේ සමාජයේ යතාර්ථය තේරුම ගන්න එක හරිම අමාරු වැඩක්.

අවුරුද් හාරසීයක්‌ යුරෝපීය ජාතින් 3 ක් යටතේ පාලනය වෙලා,

නිදහසෙන් අවුරුද් හැටක් ඇතුලත,

දකුණේ අවිගත් කැරලි 2ක් සහ

අවුරුදු 30 ක් තිස්සේ  දිග ඇදුනු උතුරේ  අවිගත් කැරැල්ලක්

ඊයේ පෙරේදා හමාරවෙච්ච රටක් අපි.

1

හුඟ දෙනෙක්ට මතක නැතිඋනාට,

මෙට අවුරුද් කකත කලින්,

සිංහල, මුස්‌ලිම්, දෙමල ජනතාව අනුකම්පා විරහිතව

කපා කොටා දමන ලද,

සියදිවි නසාගන්නා බෝම්බකරුවන්

සියක් දහසක් මිනිසුන් බිලිගත්ත රටක මේක.

අපි ඉස්කෝලේ යන කාලේ,

අපේ ඉස්කෝලෙ විදුහල්පතිට පොඩි පොඩි මිනී පෙට්ටි හදාගෙන

ලැස්ති වල හිටපන් කියල,

ලියුං ආපු කාලයක් තිබුනා.

1

අද තත්වය වෙනස්!

ඉතින්,

අපිටත් ඒ නිදහස සහ වෙනස පිලිබඳ සිහිනය

වෙන කවරදාකටත් වඩා තියෙනවා.

1

සැබෑ දේශප්‍රේමියෙක් ! | A True Patriot

අපේ පරම්පරාවේ අය හුඟක් වෙලාවට පරමාධර්ශී චරිත ලෙස මුල් තැනක් දෙන්නේ පිටරට චරිත වලට.උදාහරණයකට පරිගණක හෝ තොරතුරු තාක්ෂනය ආශ්‍රිත විෂය ධාරාවල අධ්‍යනය නියුතු අය හැමවිටම ඔලුව උස්සල බලන්නේ බිල් ගේට්ස්, ස්ටීව් ජොබ්ස්, මාක් සකර්බර්ග් වගේ වගේ අය දිහා. ඔවුන්ගේ ජීවිත කතා ඇත්තටම සුවිශේෂී ඒවා.ඉගෙනගන්න දේවල් බොහොමයක් තියෙනවා.

ඇයි අපි ලංකාවෙ මිනිහෙක් දිහා එහෙම බලන්නෙ නැත්තේ?
ලංකාවේ එහෙම මිනිස්සු නැද්ද?

නැහැ, ලංකාවෙත් එහෙම මිනිස්සු ඉන්නවා.

1

ඔවුන් ඉස්මතුවී නොපෙනෙන්නට එක හේතුවක් වෙලා තියෙන්නෙ ලංකාවෙ එහෙම ආදර්ශමත්යයි වරක් තමන් හිතාගත් පුද්ගලයා කෙරෙහි හිත බිදී යාමයි.මේක වෙන්නේ එම පුද්ගලයෝ කෙලින්ම හෝ වක්‍රාකාරයෙන් දේශපාලන බලපෑම්වලට ලක්වීමයි.කවුද කියල මම කියන්න ඕනේ නැහැ, හිතාගන්න.

1

මේ පුද්ගලයෝ අතරේ නිහඩව රට වෙනුවෙන් තමන්ගේ ක්ෂේත්‍රයේ නියුතුව තමන්ගේ කාර්යය නොපිරිහෙලා ඉටුකරන මිනිස්සු කොටසක් ඉන්නවා.ඒ අය ඉස්මතුවෙලා පෙනෙන්නේ නැහැ.කොටින්ම මිනිස්සු රජයේ සේවයට කොච්චර බැන්නත් රජයේ සේවයේ නියුතු දැඩි කැපවීමෙන් වැඩ කරන කොටසක් ඉන්නවා.

1

මේ කතාකරන්න යන පුද්ගලයත් නිහඩව තමන්ගේ සේවය තම මවුබිමට, දේශීය ආර්ථිකයට තම දායකත්වය ලබාදෙන අයෙක්.ඔහුගේ අදහස් හරිම ප්‍රායෝගිකයි.ඔහු බොහෝ ඇසූ පිරූ තැන් අත්දැකීම් බහුල සාර්ථක ව්‍යාපාරිකයෙක්.

සරල ජීවිතයක් ගත කරන පොළොවේ පය ගහල් ඉන්න මිනිහෙක්.
1

ඔක්කොටම වැඩිය ඔහු රටට ආදරය විතරක් නොකර රට වෙනුවෙන් යමක කරපු මිනිහෙක්.

 

1

සම්පුර්ණ සම්මුඛ සාකච්ඡාව මෙතනින් නරඹන්න.

 

 

 

ප්‍රවර්ග:චරිතාපදාන | Biography

| අතරමගදී ජීවිතය මග හැරීම |

මගේ බ්ලොග් එකෙන් උපුල් ශාන්ත සන්නස්ගල ගැන මුලින්ම යමක් ලිව්වේ ගිය අවුරුද්දෙ අගෝස්තු මාසේ.

එදා වගේම තමයි අද වෙනකොටත් ඔහුගේ දේශපාලන අදහස් ,මට සත පහකටවත් වැදගත් නැහැ.ඒවා ඇත්තටම වැදගත් උනා හෝ නැතා හෝ මම අදටත් කතාකරන්නේ ඒවා ගැන නෙමෙයි.

අදාළ ලිපිය මෙතනින් කියවන්න.

මේ ලිපිය 2007 සැප්තැම්බර් 30 ඉරිදා සිළුමිණ පත්තරේ පල වෙච්ච එකක්.මේකේ තියෙන දේවල් මම මුලින්ම ඇහුවේ ස්වර්ණවාහිනියේ පෝය දවසක තිබිච්ච සාකච්ඡාවකදී.ඒකට උපුල් ශාන්ත සන්නස්ගල,වී.ජ.මු.ලොකුබණ්ඩාර සහ උඩුවේ ධම්මාලෝක හාමුදුරුවෝ සහභාගී උනා.එක මෙහෙයවුයේ හරින්ද්‍ර ජයලාල්.

සන්නස්ගල මේකේ තියෙන “රොටිය අම්මට ඉතුරු නොකර කාපු කතාව” කියන වෙලාවේ ධම්මාලෝක හාමුදුරුවෝ වටාපතෙන් මුහුණ වහගෙන ඇස්වලට ආපු කඳුළු පිහදාගත්තා.

ඒ වැඩසටහන මට ඇති කරපු කම්පනය තමයි අද වෙන කන මගේ හිතේ තියෙන්නේ.

ප්‍රශ්න හින්දා ජීවිතේ ඉදිරියට අරගෙන යන්න ඕනේ ධෛර්යය ඕනේ උනහම මම පෞද්ගලිකව කරන වැඩවලින් එකක් තමයි,එක එක පුද්ගලයන් කරන කතාවලට අහුන්කන්දෙන එක, චරිතාපදාන කියවන එක.මේකත් ඒ ගොඩට අයිති කියවීමක්.

අපි දකින විඳින ජීවිතයම,

මේ ඉරහඳ යටම,

අපේ යුගයේදීම විඳලා,

අපි දන්නා කියන

දේශපාලනික,සමාජයීය සහ ආර්ථික බලපෑම් වලට යටත්ව ,

අපිට වඩා අත්දැකීමවලින් පරතෙරට ගිය මිනිහෙක් විදිහට,

මේ කියන දේවල් වල මාර ගැඹුරක් තියෙනවා.

කල්පනා කරන්න,

නැවත හිතන්න දෙයක් තියෙනවා.

 c