Archive

Archive for නොවැම්බර්, 2011

= අපේ ආදරේ =

නොවැම්බර් 30, 2011 ප්‍රතිචාර 6ක්

*

වේගයෙන් ඉගිල්ලිලා යන්න රෝද හතරක් නැති උනාට,
තාමත් හරිහමන් රස්සාවක් හොයාගන්න බැරි උනාට,
තොසේ කඩෙන් කාල බස් එකේ එල්ලිලා ගෙදර ගියාට,
අපේ ආදරේ තාමත් සුන්දරයි නේද සුන්දරී?
*

*

Advertisements

why this kolaveri di…? | வாயி திஸ் கொலைவெறி தீ?

නොවැම්බර් 27, 2011 ප්‍රතිචාර 16ක්

*

ආදරය පැරදුනු විට,

මෙතරම් හදවත ගිනිගන්නේ ඇයිද?

*
සඳ ඇත්තේ බොහෝ දුරිනි.

සඳෙහි පැහැය සුදුය.

සුදු පැහැය පිටුපසින් ඇත්තේ රාත්‍රියයි.

රාත්‍රියේ පැහැය කලුය.

*

ඇගේ සමෙහි පැහැය සුදුය.

ඇගේ හදවතෙහි පැහැය කලුය.

ඇසට ඇස මුණගැසුණි.

මගේ අනාගතය අඳුරුය.

*
අතෙහි වීදුරුව ඇත.

වීදුරුවේ විස්කි ඇත.

ඇස් කඳුලින් පිරී ඇත.

ජීවිතය හිස්ය.

ඇය පැමිණිදා සිට ජීවිතය රිවර්ස් ගියරයට වැටී ඇත.

ආදරය,මගේ ආදරය…,

මට කොකා පෙන්වා ඇත.
*
දෙවියනි,

මට මෙය ඔබට ඇසෙන්නට කියන්නට උවමනාය.

මම ටිකෙන් ටික මියයමින් සිටිමි.

ඇය සතුටින් සිටින්නේ කෙසේද?
**

*

*

ප.ලි

මේ අතිශය ජනප්‍රිය ගීතයේ ගායකයා,අති ජනප්‍රිය දකුණු ඉන්දීය දෙමල චිත්‍රපටි නළු රජිනිකාන්ත්ගේ බෑණා වන ධනුෂ්.

මේ ගීතය මෙච්චර ජනප්‍රිය වෙන්න හේතුව මම දකින විදියට,
ගීතය ලියවිලා තියෙන ආකාරය.
ඉතාම ග්‍රාම්‍ය,දෙමල බස මවුබස වෙච්ච,සැලකියයුතු උසස් අධ්‍යාපනයක් ලද,
දකුණු ඉන්දීය දෙමල තරුණයෙකුගේ ඉංග්‍රීසි උච්චාරණ විදිය පදනම් කරගත්ත
ගායනය අලුත් අත්දැකීමක්.
*
නමුත් ඔහු නියෝජනය කරන පරම්පරාව,
සිතුම් පැතුම් ලංකාවේ තරුණයන්ට විතරක් නෙමෙයි
ඇමරිකාවේ යුරෝපයේ තරුණයන්ට උනත් පොදුයි.
උඩින් දාල තියෙන්නේ ගීතයේ පරිවර්තනයක් කියන්නම බැහැ.
එක අනුවාදනයක්.
ඒක එම ගීතය මම තේරුම් ගත්ත විදිහ
සහ
මට තේරුම් ගන්න උවමනා විදිහ.
 *

= සාක්ෂිය =

නොවැම්බර් 24, 2011 ප්‍රතිචාර 2ක්

*

හැරෝ ගොල්ෆ් පිටියේ ඈත කෙලවර

මේපල් ගස්වලින් අහන්න,

*

හතරඅත තුෂාරයෙන් වැසීගිය

සීතම සීත ඍතුවක,

ඔබ නොමැති තනිකම 

දරාගත නොහැකිව

ඔබේ පෙම්වතා 

කොයි තරම් නං  හැඩුවාද ?

*

ජීවිතය චක්‍රයකි. | Life is a cycle

නොවැම්බර් 20, 2011 ප්‍රතිචාර 2ක්

යම්කිසි කාල සීමාවකට පසු නැවතත් අපි වරක්

පසුකල පරිධිය ලක්ෂ්‍යකට පැමිණීමට සිදුවේ.

චලිතය සිදුවන්නේ කේන්ද්‍රය නම් මධ්‍ය ලක්ෂ්‍යක් පදනම් කරගෙනය.

මම නැවතත් පෙර පසුකල ලක්ෂ්‍යකට පැමිණ සිටිමි.

*

පෙර දිනක මෙන්ම අදද එය හිත ගිනි අවුලුවයි.

දුක පිරුණු අපමණ පරිභ්‍රමණ වාර සහ ගෙවා දැමුණු දුර අමතක කර,

නේපාලයේ දිය ඇල්ලක් අසල සිට,

පින්තුරයෙන් හිනාවෙන (වැඩිය උස නැති) කෙල්ලට,

තවමත් සිත පෙම් බඳින හැටි…!

*

” මිටියාවතේ දුම්රිය “

නොවැම්බර් 10, 2011 1 ප්‍රතිචාරයක්

*

උපුටාගැනීමකි.

*

අන්තිම දුම්රියත් නික්මිණි

ඔබ නොපැමිණම

*

සඳ අදත් නැගෙනු ඇත

මිටියාවතට ඉහලින්

ඊයේ මෙන්ම අද රැයෙත්

මා අවදියෙන් තබමින්

*

මිටියාවතේ අතටම පාළුව දිගහැරී තිබුණි

මිටියාවතේ මැද

තනිවූ එක ගසක් මත කුරුල්ලෙක් විය.

මට හෙවනැල්ල විය.

*

හඬ කෙමෙන් වියැකී

දුම්රිය පුංචි වී යයි

අහසට විදින එහි දුම්කඳ

විවිධ හැඩතල

ඔබ ගැන මා ගැන

*

අහස්තල බැබලෙයි

මසිත් අහස තල අඳුරුයි

මේ වෙලාවේ ඔබ කොතනකද

කෙලෙසකදයි විමසයි.

*

ඔබේ මතකයෙන් වැටී

ගිලන්වී

මිටියාවතේ

මට මා මතක නැති විය.

*

මට මාව අමතකව

ඔබව පමණක් මතක් වේ.

*

සැන්දෑව වියකෙයි

රාත්‍රිය එළඹෙයි

මේ නොවෙයි තනිවූ එකම රැය 

තනිකමට ලියු එකම කව.

*

ඒ වුනත්

හෙටත් ජීවිතය අලුත් පියවර තබයි.

ඔබ නැතත්

මිටියාවතේ දුම්රිය නොවරදියි.


*

ප.ලි.

*

මේ කවිය 2003 දී ලක්බිම පත්තරේට ප්‍රින්ස් සේනාධීර ලියපු කවියක්.

කවිය මුලින් කියවල අවුරුදු ක් විතර උනාට පත්තරෙන් කපාගත්තා කෑල්ල මම ගාව අවුරුදු ගානක් තිබුනා.

මේක මම ජීවිතේටම දැකපු පරිපුර්ණම කවිය.මට දැනෙන්නේ මේ කවියට “පණ” තියෙනවා වගේ කියල.

ඒ දවස් වල මට හිතුනේ කවි ලියනවා නම් මේ වගේ කවියක් ලියන්න ඕනේ කියල.

සින්දුවක් ලියනවා නම් චරිත් සේනාධීර ලියනවා වගේ ලියන්න ඕනේ කියල.

මේක නැතුව බ්ලොග් එක අසම්පුර්නයි වගේ කියල හිතුනා.

” බලාගෙන යන්ට ආවෙමි… “

නොවැම්බර් 9, 2011 ප්‍රතිචාර 5ක්
*
කාලය බොහෝ ගතවී තිබුණි.
සුදුමල් පොකුරු මත පිණි රැදී තිබුණි.
අතරින් පතර තරු දිලිසුනද,
සඳ මුළුමනින්ම,
වලාකුලින් වැසී තිබුණි.
ලැබෙන්නට හෝ නැතිවෙන්නට කිසිත් නොතිබුනද,
නුඹේ මුහුණ යලිත් වරක්,
බලාගෙන යන්ට ආවෙමි.
*

= නොවැම්බර් වැස්ස =

නොවැම්බර් 9, 2011 ප්‍රතිචාර 4ක්
 
නොවැම්බර් මාසයක හවසක,
කුඩයක් අත නැතිව,
පුංචි බොරැල්ලේදී,
මොරසූරන වැස්සකට 
නැවතත් කොටුවුනෙමි.
*
හෙන පුපුරමින්,
අතීතයම පෙරලා අහසින් කඩා වැටුණි.  
*
*