Archive

Archive for මාර්තු, 2012

ඔබට ඕනේ දේවල් සියල්ල ඇත්තටම ඔබට උවමනා දේවල් නෙමෙයි. | keepin it real

*

*

මම පොඩිකාලේ හිතාගෙන හිටියේ

කවදාහරි ලොකු සල්ලිකාරයෙක් වෙන හැටි!

ගෙවල්, කාර් ගොඩාක් ගන්න.

කොච්චරද කියනවා නං,

කොයි දේ කවදද ගත්තේ කියලා අමතකවන තරමට.

ඊට පස්සේ ගෑණු ළමයෙක් හොයාගෙන කසාද බැඳලා ,

හරියට සුරංගනා කතාවක් වගේ ලස්සනට ජීවත් වෙන්න.

*

දැන් මෙහෙම උනා කියමුකෝ,

ඔබ හිතනවද එය මා වෙත සතුට අරගෙන ආව කියලා?

හැම වෙලාවකම දේදුන්නේ කෙලවර හොයාගෙන ගියාම

වස්තුව පිරි නිධානයක් තියෙන්න පුළුවන්.

ඒ වුනාට,

ඇත්තටම ගොඩක් සැප සම්පත් තියෙන එක,

ලබාගන්න දඟලන එක,

ඇත්තටම අපේ සතුට නැතිකරගනීමක්.

*

ඒක හින්ද පුළුවන් නම්,

තමන්ගේ ඇතුලාන්තයට එබිලා බලන්න.

ඔබට තේරේවි ඔබ කොතරම් වාසනාවන්තයෙක්ද කියලා.

ඔබ කෙතරම් දුකින් පසුතැවීමෙන් සිටියත්,

හැමවෙලේම මේ ලෝකේ

ඔබට වඩා දුක විඳින මිනිහෙක්/ගැහැණියෙක් සිටින බව මතක තියාගන්න.

*

සමහරවිට ඔබ ඉස්සර කරපු වැරදි වලට

වන්දි ගෙවන්න සිදුවෙනවා.

ඒ වුනාට ඒවාට නොසැලී

ජීවිතේ ඉදිරියට යන්න ඕනේ,

යතාර්ථයට මුහුණ දෙමින්,

සරලව,

නිරහංකාරව.

*

හෙට දවස වෙනුවෙන් අද මහන්සි වෙන

අය ගැන මට ආඩම්බරයි.

උදේ 9-5 වෙනකන් දඟලන්නේ,

පුළුවන්තරම් කරදරවලින් ඈත්වෙලා,

අනාගතේ සතුටින් ඉන්න..

ඒ වුනාට වෙලාවකට හිතෙනවා නේද,

මේ කරදරැ කවමදාකවත් ඉවරයක්‌ වෙන්නේ නැහැ කියලා.

ඔබටත් එහෙම හිතෙනවා නං,

ඒ කියන්නේ හෙට දවස අදට වඩා හොඳ එකක් වෙනවා කියන එකයි.
*

මට ඇත්තටම පොඩි කාලේ මම ගන්න හිටපු “ලොකු ගෙදර , බෙන්ස් කාරෙක ”

ගන්න අමතක උනා / මගහැරුනා.

මට දැන් ගෑණු ළමයෙක් ඉන්නවා.

ඇත්තටම අපි හොඳම යාළුවො.

“මට මේ තියෙන දේවල් මදි!!!”

කියන දේ මට නම් සාපේක්ෂයි.

ඔබට ඕනේ දේවල් සියල්ල ඇත්තටම ඔබට උවමනා දේවල් නෙමෙයි.

“සමාජය තත්වය” කියලා කියනදේ  තන්හාව විසින් වෙනස් කරලා.

*

මම කියන දේ ඔබටත් තේරෙනවා නම්,

ඔබත් අනුගමනය කරන්න සුදානම් නම්,

ඔබ පෙරට ඇවිත් පෙරමුණ ගන්න සුදානම්ද මට කියන්න.

එහෙනම්,

දුක කරදර මැද්දේ,

අමාරුවෙන් හරි දේ කරලා ,

ජීවිතේ ජයගන්න.

*

*

ප.ලි.

*

shaggy නැවත වතාවක් ලංකාවට ප්‍රසංගයකට එන ආරංචිය හම්බුනාම අතීතයට යැවුනා.

මම දන්නේ නැහැ ඔහුගේ පළමු ප්‍රසංගය කීදෙනෙක්ට මතකද කියලා.

මම එතකොට  දිග  කලිසම් ඇඳගෙන ඉස්කෝලේ යන්න පටන් ගත්ත විතරයි.

මේ දවස්වල කෑගහන දඟලන අය අතීතය එක්කෝ දන්නේ නැහැ,

එක්කෝ අමතක කරලා.

යුද්ධය නං කොහොමටත් කාටවත් මතක නැහැ.

 *

shaggy කියන්නේ නිකම්ම නිකන්

රෙගේ සින්දුකාරයෙක් නොවේ.

ඔහු තුල සිටින සමාජයීය දාර්ශනිකයා

ඔහුගේ ගීත රැසකින් එලියට පනිනවා.

ඒවා අනික සින්දු තරම් ජනප්‍රිය නොවීම පවක්.

බලනකොට එකේ පුදුමෙකුත් නැහැ.

බාල දේ ලාබයි, සුලභයි.

  *

ඉහළින් තියෙන්නේ shaggy ගේ  සුප්‍රසිද්ධම ගීතයක් නෙමෙයි.

මගේ සටහන ඔහුගේ ‘keepin it real’ ගීතයේ පරිවර්තනයක් නෙමෙයි.

ඒක අනුවාදයක්!

ඒක තියෙන අදහසක් දෙකක් මගේ.

*


පිදුම

*

Shaggy සින්දු ඇසීමට මට පුරුදු කල,

ඒ කාලේ Shaggy වගේ රැවුල කපන්න ට්‍රයි කල,

දිලාන් අය්යාට.

අපිට දැන් සෑහෙන්න වයසයි, ඕයි!!!


මා වෙනස් වී නොමැත | I didn’t change

*

ඒ වීදියෙහි දීම ඇය නැවත මුණගැසුනි.

වහින්න ඔන්න මෙන්නය.

පාරේ දූවිලි මත වැහිබිඳු වැටී ඇත.

*

“ඔයා වෙනස්වෙලා ” ඇය පැවසීය.

*

වැස්ස කඩා හැලෙන්නට විය.

නෙතග දිලිසුන කඳුල දුටුවද,

නොදැක්කා මෙන් සිටීමට සිදුවිය.

*

සියල්ල සිදුවීමට කල් ගතවේ.

කාලය සියල්ල සොරා ගනී.

*

මා වෙනස් වී නොමැත.

ඔබ කිසිදිනක මා හරිහැටි දැනසිටියේ නැත.

*

-*

| ආචාර්‍යය අබ්දුල් කලාම් සමගින් ” ගිනිගෙන දැවෙන පියාපත් ” |

*

*

කුඩා මිනිසුන් අනෙක් මිනිසුන් පිළිබඳව කතාබස් කරති.

සාමාන්‍ය මිනිසුන් විවිධ දේපල,වස්තුව පිළිබඳව කතාබස් කරති.

උසස් මිනිසුන් අදහස් සංකල්ප පිළිබඳව කතාබස් කරති.

 *

*

අප කතානායකයා ඉන්දියාවේ හිටපු ජනාධිපතිවරයා ය.

ඔහු “ඉන්දියාවේ මිසයිල මිනිසා” ය.

ගහක පල බර වෙන්න වෙන්න අතු පතර පහලට නැමෙන්නේ යම්සේද,

ඔහුද පොළොවේ පය ගසා ජීවත් වන,

තමා ඉපදුන පොලවට පන මෙන් ආදරය කරන විරල මිනිසෙකි.

**

*

පරමානු බෝම්බ, සුනාමි හමුවේ නොසැලෙන ජපානයේ දියුණුවට හේතුව,

ජපනුන් රටක් සහ ජාතියක් ලෙස ජපානයට ආදරය කිරීමයි.

කිසිදින අවසන් නොවන ජනගහන ප්‍රශ්න හමුවේ

ඉන්දියාව මෙතරම් බලවත් වීමට හේතුව,

ඉන්දියාවේ නිරන්තරයෙන් ආණ්ඩු මාරුවුවද,

ජාතිය ගොඩනැගීමේ ප්‍රතිපත්ති මාරු නොවීමයි.

*

අප රටට අත්පත්කරගැනීමට හැකියාව ඇති මට්ටමේ දියුණුව කරා

ලඟා නොවීමට හේතුව මේ කිසිවක් නොමැති වීමය.

අපි අපේ හිටපු අන්තිම රජතුමාව මාංචු ලා ඉන්දියාවට පිටුවහල කරනතුරු

බලාසිටි ජාතියකට අයත් වන අතර අවුරුදු 500 ක වහල් බව අවුරුදු 62 කින්

සම්පුර්ණයෙන් ගසා දැමීමට අපිට නොහැක.

වෙනකක් තබා,

පශ්චාත් යුධ සමයේ ජාතියක් ලෙස පිල් බෙදී කා කොටා ගන්න හැටි නොකිවමනාය.

**

*

ඉන්දියාව ලොව හමුවේ ජාතියක් ලෙස ඔසවා තැබීමෙහි ලා “ආචාර්ය APJ අබ්දුල් කලාම්” ගේ

දායකත්වය ක්ෂේත්‍ර රැසක පුළුල් පරාසයක් විහිද පැතිර යයි.

*

ඔහු ඉන්දියාවේ 11 වන ජනාධිපතිවරයාය.

එකල ඔහු “ජනතාවගේ ජනාධිපති” ලෙස හැදින්වුණු අතර ,

1997 දී ඉන්දියානු සිවිල් වැසියෙකුට පිරිනමන ඉහලම සම්මානය වන

“භාරත් රත්න” සම්මානයෙන් පුදනු ලැබීය.

ඔහු ගගන විද්‍යාඥයෙකි,ගගන විද්‍යාව පිලිබඳ මහාචාර්යවරයෙකි.

ඔහු තිරුවනාතපුරම්හි පිහිටි “ඉන්දියානු අභ්‍යවකාශ විද්‍යා සහ තාක්ෂණ ආයතනය” හි

පළමු කුලපතිවරයාය. ලොව බලවත් රාජ්‍ය අතරට ඉන්දියාව ඔසවා තබන න්‍යෂ්ටික ශක්තියේ

සහ අභ්‍යවකාශගත චන්ද්‍රිකා තාක්ෂණයෙහි ඉන්දීය ලකුණ ඔහුය.

මේ සියල්ලට අමතරව ඔහුගේ දෙමල කවියට සහ වීන වාදනයට ඇති ආලය සුවිසේශී වේ.

මෑත කාලයේ “අන්න සහාරේ ” ප්‍රමුඛව ඉන්දියාව හරහා හමාගිය දුෂණයට සහ වංචාවට විරෝධී රැල්ලටද

සිය දායකත්වය වෙනත් ලෙසකින් ලබාදීමට ඔහු සමත්ව ඇත.

*   

*

ඉන්දියාව පුරා සහ ලොව වටා ඔහු විසින් කරන දේශනයන්හි කරන ලද,

ඔහුගේ අසහාය පෞරුෂය සහ දැනුම් සම්භාරය විදහාපාන,

සුප්‍රසිද්ධ කියුම් කිහිපයක සිංහල අනුවාද කිහිපයක්,

නිරතුරු සිහින දකින

නව ශ්‍රී ලාංකික තාරුණ්‍යය සහ ළමා පරපුර හමුවේ

මෙසේ දිගහැර තබමි.

*

*

  • උසස් සිහින දකින්නන්ගේ උසස් සිහින සැමවිටම සාමාන්‍ය සීමාමායිම් ඉක්මවා යයි.
  • යම් රටක් දුෂණයෙන් තොර, යහපත් මනසකින් හෙබි ජාතියක්බවට පත් කිරීම උදෙසා සමාජයේ චරිත තුනකට විශාල වෙනසක් කල හැකියි මම විශ්වාස කරමි. ඒ ම පියා  සහ  ගුරුවරයාය.
  • අපි නිදහස් නිවහල් නොවන තාක් කල කිසිවකු අපට ගරු  නොකරනු ඇත.
  • ජීවිතය ජයගැනීමට අපහසු තරඟයකි. එය ජයගතහැකි එකම මග උත්පත්තියෙන් ඔබට ලැබී ඇති මිනිසෙකු වීමට ඇති අයිතිය රඳවා ගැනීමෙනි.
  • අහස දෙස බලන්න. අපි කිසිවිටක තනිවී නොමැත .මුළු විශ්වයම  මිතුරුය. නමුත්  මුළු විශ්වයම සිහින දකින සහ ඒ සිහින සැබෑ කරගැනීමට වෙහෙසෙන අයට තම උපරිම සහයෝගය ලබාදීමට රහසින් එකඟ වී ඇත.
  • මිනිසෙකුට දුෂ්කරතා අත්‍යවශ්‍යය, ඒ මන්ද යත් ඔහු ලබන සාර්ථකත්වය භුක්ති විඳීමට එය අවශ්‍ය නිසාය.
  • තම හදවත සමග එකට වැඩ කල නොහැකි පුද්ගලයන් ලබන්නේ “මදය හිස් වූ” අර්ධ  සාර්ථකත්වයකි.
  • එය සැමවිට තිත්ත රසය හතර අත පතුරවා හරියි.
  • අප රට දෙපයින් නැගී සිටින තුරු කිසිවෙකු අපට  ගරු නොකරනු ඇත මේ ලෝකයේ “භය” ට කිසිම වටිනාකමක් නැත. ශක්තිමත්බවට ශක්තිවන්තයා ගරුකරනු  ඇත.
  • ඔබට ඔබගේ අනාගතය වෙනස් කල නොහැක.නමුත් ඔබට ඔබගේ ගති පැවතුම් වෙනස් කල හැක.ඔබගේ ගති පැවතුම් නිසැකවම ඔබගේ අනාගතය වෙනස් කරනු ඇත.
  • ඔබගේ රැකියාවට ප්‍රේම කරන්න,ඔබ සේවය කරන සමාගට ප්‍රේම නොකරන්න.මන්ද යත්, ඔබ සේවය කරන සමාගම ඔබට ප්‍රේම කිරීම නවතන්නේ කවදාදැයි ඔබ නොදන්නා හෙයිනි.
  •  ඔබගේ සිහින සැබෑවීමට පළමුව ඔබ සිහින දැකිය  යුතුය.

*

ප්‍රවර්ග:චරිතාපදාන | Biography

ඩයසපෝරික චරිත – නිහාල් අර්ථනායක හෙවත් ” DJ නිහාල් “

*
*
බ්‍රිතාන්‍ය ශ්‍රී ලාංකික සිංහල ඩයසපෝරාව සිත්ගන්නා සුළු චරිත රැසකින් සමන්විතය.
හැමදාම දෙමල ඩයසපෝරාව ගැන කතාබස් ඇතිවුනද සිංහල ඩයසපෝරාව ගැන කතා බහක් නැති තරම්ය.
එංගලන්තය ගැන ම විසින් පෙර ලියන ලද ලිපි පහත සබැඳි වලින් කියවන්න.
*
ඔහුව මට මුණ ගැසී ඇත්තේ එකම එක වරක් පමණි.ඒ හැරෝවීල්ඩ්ස්ටෝන්හි පවතී
“කින්ග්ස්බරි සිංහල අවුරුදු උළෙල”කදීය.මොහු ලාංකිකයෙකු යයි යමෙක් හදුන්වාදුන්නේ නැතිනම්,
ඔහු හඳුනාගත හැකි ලකුණක් නැති තරම්ය.
*
කතාකරපු විනාඩි 5 කට
*

“අපි යනවා මචං! පස්සේ හම්බවෙමු.”

කියන්නට ඔහුට සිංහලකම තිබුණි.
*
ඔහු ගැන නොදන්නා අයට, ඔහු එංගලන්තයේ වෙසෙන ශ්‍රී ලාංකික පවුලකින් පවත් එන්නෙකි.
ඔහු වෘත්තියෙන් DJ කෙනෙකි.ඔහු බ්‍රිතාන්‍ය ගුවන්විදුලියේ “රේඩියෝ වන් – BBC Radio 1”
සහ ආසියාතිකයන්ට වෙන්වූ “BBC ආසියානු සේවයේ – BBC Asian Network ” හි සේවය කරයි.
ඔහු ලෝකප්‍රසිද්ධ පුද්ගලයෙකු නොවුවද ආසියාතික සංගීතය හා සංස්කෘතිය බ්‍රිතානයේ මෙන්ම ලොව පුරා
ප්‍රචලිත කිරීමේ පුරෝගාමියෙකි.සුප්‍රකට බංගාරා සංගීතයෙන් අතිශය ජනප්‍රියත්වය පත්වූ
“Richi Rich, Jay Sean, Juggy D, Raghav ” වැන්නවුන්ට මුලින්ම ගුවන් විදුලියක ඉඩ ලැබුනේ
නිහාල්ගේ රේඩියෝ වැඩසටහනෙනි.
*
මේ 2006 දී ඔහු ගාල්ලේ පැවති ” Galle HipHop Show ” වෙනුවෙන් කරන ලද වීඩියෝවකි.
*
*
ඔහුගේ පවුලද දශකයකට හෝ ඊට පෙර එංගලන්තයට සංක්‍රමණයවූ ලාංකික පවුලකි.
එලෙස සංක්‍රමණය වූ සම පවුලක් පිටුපසම ඔවුන්ට සුවිශේෂීවූ කතාවක් තිබේ.
*
මෙම සබැඳිය නිහාල් තම පවුලේ ඉතිහාසය සහ තම සීයල ආච්චිලා සොයා ලංකාවට යන ගමන පිළිබඳව
සැකසුනු වාර්තාමය වැඩසටහනකි.
*
නිහාල්  මෙහිදී බ්‍රිතානයේ හැදෙන වැඩෙන අතර තමන් බ්‍රිතාන්‍යක් නොවන බව මුලින්ම තේරුම් ගත ආකාරය
සිහිපත් කරයි.තමාට සුදු ළමයි පකිස්තානි ජාතිකයෙක් කියා සමච්චලයට ලක් කල අයුරු ඔහු සිහිපත් කරයි.
ඩයසපෝරාවකට අයත් වීමේ භයානකම තත්වය සංස්කෘතිකමය වශයෙන් අවජාතක වීමය.
*
වරක් සිංහල අවුරුදු දිනක රාත්‍රී අහාරය සඳහා මට සිංහල පවුලකින් ආරධනාවාක් ලැබුණි.
ඒ මගේ තාත්තගේ හොඳ යාළුවෙකුගේ පවුලකි.රාත්‍රී සාදය හොඳින් පැවැත්වුණු අතර ඊට ඔවුන්ගේ මිතුරු පවුල්
කිහිපයක් සහභාගීවිය.ඔවුන් මා මුලින්ම එරට පය තැබූ දින සිට මා හට උදව් රැසක් කලට අමතරව නිතර මා
පිළිබඳව සොයා බැලුහ.රාත්‍රී සාදය අවසානයේ ඉතුරුව සිටි වැඩිහිටියන් කිහිප දෙනාට
එදින සිංහල අවුරුද් දවස වීම නිසා සුභ අලුත් අවුරුද්දක් වේවා කියා  වැඳ ආපහු නිවාස බල යාමට මම සුදානම් වුනෙමි.
ඒ අතරින් එක් වැඩිහිටි යුවලක් හඬමින් මා හා කියූ කතාව අදටත් මග හිතේ රැවු පිලිරැවු දෙයි.

*

“අපේ ලමයි අපිට වඳින්න දන්නෙවත් නැහැ පුතා.

සිංහල කතා කරන්න පුළුවන් උනත් කතා කරන්නේ නැහැ.

පන්සලකට එක්කගෙන යන්න හදනවා එන්නේ නැහැ.

ලොකු පුතා යාළුවෙලා ඉන්නේ කළු ගෑනු ළමයෙක එක්ක.

ඒ ගොල්ලෝ ඔන්න අදත් එළිවෙනකන් BBQ එකක් කියල ගියා.”

*
වැරැද්ද කා අතේද කියල හොයල කතා කරලා වැඩක් නැහැ.ඕක තමයි යතාර්ථය.
ඒ කෙසේ වෙතත් ඔය අතරේ ලංකාවේ සාමාන්‍ය ළමයි හැදී වදෙනවට වැඩ හොඳ වැදගත් ගති ගුණ එක්ක හැදී වැඩෙන,
හැම ඉරිදාම සිංහල දහම් පාසල් යන සිංහල ළමා පරම්පරාවකුත් ඔය අතරේ ඉන්නවා.
*
*
මට මුණ ගැසී ඇති අනන්තවූ ඩයසපෝරික චරිත අතරේ තමන් ශ්‍රී ලාංකිකයෙකු යයි දැනගත්දා,
සිට තමා ශ්‍රී ලාංකිකයෙකු යයි හඳුන්වාගනීම ඔහුගේ අගයකලයුතු ගතියකි.
මීට පෙර මා ලියන ලද ලිපියකට පාදකවූ ඩිලෝන් ද එවැනි අයෙකි.
*
ඔහු විසින් අප රට විදේශයන්හි ඔසවා තැබීමට කරන දායකත්වය නිහඩ එකකි.විශේෂයෙන් යධ සාමය හැ ඉන පසුව
ලංකාව පිලිබඳ දුර්මත දුරලීමට ඔහුකරන ලද මෙහෙය ඉමහත්ය.
ලාංකීය සංගීතය බටහිරට, ජාත්‍යන්තරයට ඔසවා තබන අදිසි යෝධ හස්තය ඔහුය.
*
පහත සබැඳි 2 ලංකාව පිලිබඳ ඔහු විසින් කරන ලද වාර්තාමය වැඩසටහන් 2 කි.
දහසක් කරදර මද එංගලන්තයේ හිස එසවීමට වෙර දරන ඩයසපෝරික චරිතයන් හට මෙන්ම විදේශික මුදලට බඩගින්නට ලංකාවට එරහිව
කටයුතු කිරීමට පෙළඹ සිටින ලාංකික තරුණයන්ට නිහාල් ආදර්ශයකි.
*

නිහාල් පිලිබඳ වෙනත් සබැඳුම්

*

” සඳ කැටයම “

*+*

*

*

සඳ කැටයමට – කප්පාදුවෙන වැවේ ලියද්දට

සඳ ගොම්මනට – ඉකිගසන හිත් මායිමට

මල්පැල පාමුල – පිපෙන හැමදාම හවසට 

නම නොදන්නා – රෝස පැහැ සුවදැති මලට

**

*

නෙතූ අහලකට – නින්ද නැති රැය පුරාවට

හිතෙනවා දවසක – එක්කාගෙන එන්නට

ඉහළ ඉදන්  අත්තනගලු ඔය ඉස්මත්තට

ගලනා හැටි සඳ දිය දෝරේ අපුරුවට

 

+**

සංසාරේ පුරාවට – වෙන් නොවී එකට ඉන්නට

එක හිතින් හිතා – දිවුරුම දෙන්නට ගන්නට

අර ඈතීන් පේන – ධාතුකන්ද විහාරයට

දැම්ම මල් කඩා තියන්නද – ලබන පෝයට වදින්නට 

**

*

” තරු පිපෙන රාත්‍රිය ” – star studded night sky

උපුටාගැනීමකි!

*

*

*

තරු පිපෙන රාත්‍රිය       –    ගීයක්ය දුක හිතෙන

පිණි වැටෙන හිමිදිරිය   –    කඳුලක්ය නෙත තෙමන

රාත්‍රිය නිමාවී               –    හිමිදිරිය එනතුරා

ආදරය හැඩුවාය           –    ඔබ ඉවත වීසිකළ

*

*

පසු ලිවීම

*

මේක මීට අවුරුදු 10කට විතර කලින් කරුණාදාස සුරියආරච්චි මහත්තයා ඉරිදා දිවයිනට ලියපු කවියක්.

ඒ පත්තර කොලේවත් ළඟ නැති උනාට කියවපු දවසේ ඉඳං අද වෙනකන් වචන ටික මතක තිබුනා.

ආයේ පාරක් මේක මත උනේ ඊයේ පෙරේද මගේ හොඳම යාලුවෙක් කියපු කතා දෙක තුනක් හින්දා.

*

කෙනෙක්ට තව කෙනෙක් වෙතා ආදරයක් ඇතිවීම අතිශය ස්වාභාවිකයි.

ආදාරේයි කැස්සයි හංගන්න බැහැනේ.

එක හින්ද එක ප්‍රකාශ කරන්නට උවමනා වීම සහ තවත් සාමාන්‍යයි.

ඊට‍ පස්සේ වෙන අපි අකමැති විදියට වඩා සිද්ධ වෙන දේවල් කොච්චර සාමාන්‍ය වුනත්,

අපි ඒ දේවල් සාමාන්‍ය දේවල් විදියට බාරගන්න සුදානම් නැහැ.

ජීවිතයේ ප්‍රථම වතාවට ඇතිවෙච්ච හැගීමක්,

ඒ හා සමාන ප්‍රතිචාරයක් බලාපොරොත්තුවෙන් අනිත් පාර්ශවයට කිව්වම,

ඒ වෙලේම හරි පස්සේ හරි එකට යහපත් ප්‍රතිචාරයක් නැති උනාම දැනෙන හැගීම් හැටිම වේදනාකාරීයි.

මගේ යාලුවට උනා වගේ හුඟක් වෙලාවට වෙන්නේ,

“අපි තමා ගැන අන්තිමටම දන්නේ,

අපි ඇරෙන්න මුළු ලෝකෙම දන්නවා.”

*

මේක හුඟක් වෙලාවට පොදු අත්දැකීමක්.

ප්‍රේමයේ විරහව කොච්චර පොදුයි ද කියනවා නම්,

ඊයේ පෙරේද අපි සෙට් උනාම එකෙක් කියනවා,

“මේ! මෙහෙම බැහැ!!…!!!!,අපි හැමෝම දන්නා සින්දුවක් කොඉයමු කියලා.”

“එහෙනන් ඉතින් කියන්න වෙන්නේ පොදු ගීතය තමයි” කියලා තව එකෙක් කිව්වා.

මම ඇහව්වා,“මොකක්ද මචන්,පොදු ගීතය කියන්නේ?” කියලා.

අරූ කියනවා,

“වෙන මොකක්ද ඉතින්…? ‘තනිවෙන්නට මගේ ලොවේ පුරුදු පාලුවෙන්….’ “.

ඔන්න ඕකයි තත්වය.

*

තුවාල සනීප වෙන්න කල යනව.

බෙහෙත් කරනවා වගේම හෙදකමත් උවමනා වෙනවා.

ඉවසන්නත් සිද්ද වෙනවා.

තුවාල වුනා කියලා අපි හැමදාම කරන කියන වැඩ පාඩු කරගන්නත් බැහැ.

ජීවිතේ ඉස්සරහටම යන්න වෙනවා.

සමහර තුවාල සනීප වෙන්න ගොඩාක් කල යනවා

සමහර තුවාල සනීප වෙනකොට කැළැල් හිටිනවා.

කාලය තම හොඳම විසදුම.

*