Archive

Archive for ජූනි, 2012

= සාර්ථකත්වය සහ එහි නොපෙනෙන/නොබලන/නොපෙන්වන පැත්ත =

*

*
සෙනසුරාදා හවසට කොළඹ නගරයේ ගමන කරන විට,

පාරේ යන වාහන නිකමට මෙන් නිරීක්ෂණය කොට ඇත්නම්,

විනාඩි 10ක් තුල, ජගුවර්,බී.එම්.ඩබ්.,පෝර්ෂ් සහ ෆෙරාරි ආදී මිල අධික වාහන,

කොපමණ දක්නට ලැබේදැයි ඔබ දන්නවා ඇත.

*

එවැනි රථයක හිමිකරුවෙකු වීම සහ සාර්ථකත්වය අතර සම්බන්ධය කෙසේ වෙතත්,

පහත හේතු / මාර්ග වලින් හැර තමන්ගේ දුක මහන්සියෙන් උපයාගත් මුදලින්,

එවැනි රථයක හිමිකරුවෙකු වීමේ ප්‍රතිශතය සෙවීම හැකි නම්,

එය අගනා පර්යේෂණයකි.

*

1) දෙමව්පියන් ඉපයූ මුදලින්.

2) මත්ද්‍රව්‍යය, මත්පැන්,දුම්වැටි ව්‍යාපාර / අල්ලස් හෝ වෙනත් නීති විරෝධී මුදල් ඉපයීම මගින්.

3) පොදු ජනතාවගේ මුදල් (බදු ලෙස ගෙවන ලද ) ගසාකෑමෙන්.

*

ඉක්මනින් මුදල් ඉපයූ ‘සාර්ථක’ යයි කියාගන්න පුද්ගලයන් පිලිබඳ කියන්නට ඇත්තේ,

‘නීට්ශේ’ නම දාර්ශනිකය කියූ කතාවමය.

එනම් ගසක අතු අහස උසට ගොස් ඇත්නම්, එහි මුල් අපායට විහිදී ඇති බවය.

එම කතාව ඇතුලත් මවිසින් ලියන ලද සටහන මෙතනින් කියවන්න.

*

සාර්ථකත්වය කරා යන ගමන කිසි ලෙසක සොඳුරු විය නොහැක.

සාර්ථකත්වයට පත්වූ පසු එදෙස ආපසු හැරී බැලීම සොඳුරු විය හැක.

නමුත් සාර්ථකත්වය කරා යන ගමන සොඳුරු නැත.

**

*

ලොව සුපතල මයික්‍රෝසොෆ්ට් සමාගමේ නිර්මාතෘ බිල් ගේට්ස් ට අනුව

“කාර් එකකුයි මොබයිල් ෆෝන් එකකුයි එක්ක,
ලොකු කොම්පැනියක CEO කෙනෙක් වෙන්න කලින්,
අනිවාර්යයෙන්ම ඒ 2ම සල්ලි දීල ගන්න වෙනවා.”

*

කලකට පෙර මවිසින් ලියන ලද “බිල් ගේට්ස් සහ සාර්ථකත්වයේ පාඩම්” ලිපිය මෙතනින් කියවන්න.

*

එම ගණයට අයත් නොවන, සැබෑ සාර්ථක මිනිසුන්ගේ නොකියන කතාව, සොයාගෙන හෝ කියවීමට තරම් වටී.

ඒ පිළිබඳව අවධානයක් යොමු නොවීම හෝ මග හැරීම කනගාටුදායක තත්වයකි.

අද ළමා සහ නව යොවුන් පරපුරේ ජීවිතය පිලිබඳ දර්ශනය ‘IPL T20’ ක්‍රිකට් තරගයක් වගේ.

වරදවා වටහා ගන්න එපා. අයි.පී.එල්. යනු අති සාර්ථක ක්‍රිකට් තරගාවලියකි.

එය වටා රොක්වී සිටින ලොව සාර්ථකම පුද්ගලයන් රැසකි.

ශාරුක් ඛාන්,මුකේෂ් අම්බානි,සචින් ටෙන්ඩුල්කාර්,මුත්තයියා මුරලිදරන්,රාහුල් ද්‍රාවිඩ් ඉන් කිහිප දෙනෙකි.

*

නමුත් ඔවුන්ගේ සාර්ථකත්වය පිළිබඳව එමගින් අපට ඉගෙනගත හැකි කිසිම දෙයක් නොමැත.

ඒ නොපෙනෙන,මාධ්‍ය මගින් නොපෙන්වන දේ බලාගැනීම සඳහා

හෙමින් සීරුවේ ඔවුන්ගේ අතීතය දෙස එබී බැලීමට සිදුවේ.

එම අතීතය පෙන්වා දෙන දේවල් කිසිසේත්ම අයි.පී.එල්. හෝ ෆෙරාරි රථයක් හෝ

මෙන් සුන්දර නොවන කටුක අත්දැකීම්ය.

*

ක්‍රීඩා විස්තර විචාරකයෙකු වන හර්ෂ භෝග්ලේ ගේ දේශනයක් ඇසුරින් මවිසින් ලියන ලද ,

“හර්ෂ භෝග්ලේ සමඟින් ” විශිෂ්ටත්වය කරා යන මාවත ” ලිපිය  මෙතනින් කියවන්න.

*

*

පිරිමි දරුවන් හය දෙනකුගෙන් සමන්විත අර්ජුන රණතුංගගේ පවුල පදිංචි ගම්පහ පිහිටි නිවසට,

දේශපාලනඥයකු වූ ඔහුගේ පියාගේ විරුද්ධවාදීන් විසින් ගිනි තියන ලදී.

ගුරුවරියක වූ අර්ජුනගේ අම්මා ගිනිගන්න නිවසින් පන බේරාගෙන යාමට,

දරුවන් හය දෙන එකින් එක නිරුපද්‍රිතව එකතු කරන විට,

මුලින් තමා සමග සිටි අර්ජුන, අවසානයේදී නොමැති බව වටහාගෙන කලබල විය.

ඔහු ගිනිගන්නා නිවස තුලට දිව ගොස්,

තම දෙමව්පියන් අමාරුවන් තමාට මිලදී ගත් ‘ලෙදර් බැට්’ එක,

ගින්නෙන් බේරාගෙන එන අයුරු අයට පසුව දිස්විය.

*

*

සනත් ජයසුරිය පන්දුවට පහර දෙනු ඔබ දැක ඇත්නම්,

සෑම පන්දුවකටම වාගේ මුහුණ දීමට පෙර තමාගේ පා-ආවරණ අතපත ගානවා දැක ඇති සිතමි.

තරගය නරඹන්නන් විටක

‘යකෝ,ඕක එක සැරේක හිරවෙන්න ගැට ගහගනින්කෝ!’

කියනවාද මම අසා ඇතිමි.

*

විටෙක විදෙස් මාධ්‍යවේදියෙකු විසින් මේ පිළිබඳව විමසන ලදී.

“අපේ ඉස්කෝලේ පොඩිම ටීම් එකේ ඉඳං ලොකුම ටීම් එක වෙනකන්,

කාටවත් කවදාවත් අලුත් පෑඩ්ස් තිබිල නැහැ.

තියෙන ඒවා පරණයි.

ඒවා හරියට හිරවෙන්නේ නැහැ.

එක හින්ද ඒවා දාගෙන දුවන්න අමාරුයි.

බෝලයක් බෝලයක් ගානේ තද කරන්න ඕනේ.

ඒ පුරුද්දට තම තාම එහෙම කරන්නේ.’

සනා පිළිතුරු දුන්නේය.

*

Advertisements

= ඔබගේ දැනගැනීම පිණිසයි! =

*

මම යහළුවෙකු නොවන,

ඔබගේ ෆේස්බුක් ප්‍රොෆයිලයෙන්

එවන ලද පණිවුඩය ලදිමි.

එසේනම් පිළිතුරු නැතිවුවද,

මවිසින් එවන ලද,

අනන්තවූ පණිවිඩද ඔබට ලැබෙන්නට ඇත.

මා ලියන ලද කවි සියල්ලද ඔබ විසින් කියවා ඇත.

*

‘ඔබේ සැමියා දකීවි’යි යන බිය මත,

ඔබගේ ඉල්ලීම පරිදි,

මගේ බ්ලොග් සටහනෙන් ඔබේ ජායාරූපය,

ඉවත් කලෙමි.

මොනවා කෙලෙස සඟවනු,සොරාගනු ලැබුවද,

මසිත හැගීම්, මතකයන්

ඔබට කිසිදින උදුරාගත් නොහැකි බව,

කරුණාවෙන් මතක් කර දෙමි.

*

” තරු පිපුණු ගන අහස මම නම්… “

*

*

තරු පිපුණු ගන අහස මම නම්,

ඒ අහසේ පුරා හඳ වෙන්න සුදු රුවණි.

වැසි නොවට මරුකතර මම නම්,

ඒ පොළොවේ දිය බින්දුව වෙන්න සුදු රුවණි.

හද පෙලන චන්ඩ රල මම නම්,

ඒ නදියේ නිසල දිය වෙන්න සුදු රුවණි.

ප්‍රේමයෙන් අහිමි හද මගේ නම්,

ඒ හදට ආදරය දෙන්න සුදු රුවනි.

*

නෙතු පෙලන කැල්මේ සිනහ සඳපානේ,

ඔබ ඇවිත් මගේ ලඟින් ඉන්නවා වගේ දැනේ.

ඒ බලන බැල්මේ හදක හසරැල්ලේ,

අපි හදින් බැඳුනු බව ලෝකයා නොම දනී.

*

ජීවිතය අතරේ ආදරය නැවතී,

පෙම් කවක් සදාතන හදවතට කොඳුරාවී.

මේ ගී ගායනා ආල හද වෙලානා,

මහබඹුන් හෙට දවසේ අප නමින් ලියාවී.*

*

*

මේ සින්දුව නිකුත් වෙච්ච කාලේ කීයෙන් කී දෙනෙක්ට මතකද කියන්න මම දන්නේ නැහැ.

ඔබට මතක නම් ඔබත් මම වගේම 80-90 දශකයේ ඉපදිච්ච කෙනෙක්.

ජගත් වික්‍රමසිංහ ගයන,

පද්මකුමාර මෙත්තසේනගේ අතින් ලියවුන මෙම ගීතය,

මම මුලින්ම ඇහුවේ සිරස රුපවාහිනියේ ‘රස රිසි ගී’ වැඩසටහනෙන්.

ඒ කාලේ රුපවාහිනී චැනල් 2,3 කට වැඩ තිබුනේ නැහැ,

ජංගම දුරකථන,අන්තර්ජාලය,ෆේස්බුක් කිසිම දෙයක් තිබුනේ නැහැ.

යන්තං දෙය්යනේ කියලා ගෙදර දුරකතනයක් තිබුනා.

විහිලුවට හරි ගෑනු ළමයෙක්ගේ ගෙදර දුරකතනයට කතා කරලා,

අම්මගෙනුයි,තාත්තගෙනුයි බේරිලා ගෑනු ළමයට කතා කරන එකම එකම හරි අමාරු වැඩක්.

අනිත් අතට වෙරදිලා හරි ගෙදරට ගෑනු ළමයෙක්ගෙන් ‘කෝල්’ එකක් ආවොත්,

හතරවෙනි තට්ටුවට ගිය වගේ තමයි ගෙදර අයගේ ප්‍රශ්න වලට මුහුණ දෙන එක.

*

ඔය අතරේදී දෙන්නෙක්ගේ ප්‍රේමයට යහළු යෙහෙළියන්ගෙන්

ලැබෙන සහයෝගය,කැපකිරීම් පුදුම සහගතයි.

හදිස්සියේම මේ ගීතය මතක වෙන්න හේතුව

මේ වගේ අපි සෑහෙන දෙනෙක්,

‘පට්ට සපෝර්ට් එකක් දුන්නු රෝමියෝ ජුලියට්” ප්‍රේම කතාවක්,

ඊයේ පෙරේදා සදහටම ඉවර උනා.

කොටින්ම ගෑනු ළමයාගේ තාත්ත පිරිමි ළමයට වඩා අපි කට්ටිය එක්ක තරහයි.

ගුටි කාපුව,ටියුෂන් පන්ති ගාව රස්තියාදු වෙච්ච් ඒවා,ඉස්කෝලේ ‘කට්’ කරපුවා,

කවි ලියපුවා,සී.ඩී. කවර්ස්,’ලව් ලේටර්ස්’,මගුල් ගෙවල්/ස්පෝර්ට්ස් මීට් වල රස්තියාදු ඇතුළු,

කියන්න පුළුවන් බැරි දේවල් සියල්ල ඔක්කොම දේවලින් දැන් වැඩක් නැහැ.

ඒ වුනාට ආපහු හැරිලා බලන කොට පුදුම සුන්දරත්වයක් තියෙන්නේ.

*

‘Y’ පරම්පරාව පිලිබඳ මීට බොහෝ කලකට පෙර ලියන ලද සටහන මෙතනින් කියවන්න.

*

*

ප්‍රේමනීය සිතුවිලි ජීවිතේ මුලින්ම දැනෙන කාලේ හරිම සුන්දරයි.

මම මේ කියන්නේ ප්‍රේම සබදතාවයක් ගැන නෙමයි.

ප්‍රේමය කියන,

තමන්ට  විස්තර කරගන්න බැරි සිතුවිල්ල,

ජීවිතයේ ප්‍රථම වතාවට ඇතිවන අවස්ථාව ගැන.

ඒ සිතුවිලි හරියට නිමක් නැති අහස වගේ.

හරිම ගැඹුරුයි.

ඒ වගේම තමයි,

ජීවිතයේ තමන් ලබාදෙන ආදරය පෙරලා තමන්ට ලැබෙන අවස්ථාව.

මම හිතන්නේ නැහැ,

තරුණයෙක්ට/තරුණියකට ඊට වඩා ප්‍රේමනීය අත්දැකීමක් ඇති කියලා.

*

ඊට පස්සේ කාලයත් එක්ක විවිධ ගට්ටන හැල හැප්පීම් එක්ක ගලායන ,

ප්‍රේමය සහ ජීවිතය වවිධ තත්වයන් හමුවේ විවිධ ලෙස වෙනස් වීම වලට මුහුණ දෙනවා.

ඒ මොන දේ උනත් මුලින් කියපු විදිහේ,

අනේක බාධා හමුවේ ලියලුනු ‘සුහුඹුල් ආදර අත්දැකීම’

ජීවිතේටම අමතක වෙන එකක් නම් නැහැ.

*

ජගත් වික්‍රමසිංහ ගායනා කරනවා වගේ,

ජීවිතේ මොන විදියට ගලාගෙන ගියත්,

අපි ගමන කරන්න මොන පාර තෝරාගත්තත්,

“ජීවිතය අතරේ ආදරය නැවතී,

පෙම් කවක් සදාතන හදවතට කොඳුරාවී “.

*

*