සෙවුම් ප්‍රතිඵල

Keyword: ‘= සාක්ෂිය =’

= සාක්ෂිය =

නොවැම්බර් 24, 2011 ප්‍රතිචාර 2ක්

*

හැරෝ ගොල්ෆ් පිටියේ ඈත කෙලවර

මේපල් ගස්වලින් අහන්න,

*

හතරඅත තුෂාරයෙන් වැසීගිය

සීතම සීත ඍතුවක,

ඔබ නොමැති තනිකම 

දරාගත නොහැකිව

ඔබේ පෙම්වතා 

කොයි තරම් නං  හැඩුවාද ?

*

Advertisements

ගප්පියා සහ ඩයස්පෝරික මතක.

පෙබරවාරි 25, 2015 ප්‍රතිචාර 2ක්

*

ගප්පියාගේ ඉහත සම්මුඛ සාකච්ජාව නැරඹීමෙන් පසු, හිතේ සිරවී තිබු වසර කීපයක  ඩයස්පෝරික මතක නැවත අවදි විය. මට හිතෙන හැටියට ගප්පියාගේ අදහස් මා සමග අනුනාද වෙයි.

එය කේ.සී.ජයරත්න සර්ගේ “ධ්වනිය” පාඩම වැනිය. එකම සංඛ්‍යාත වලට කම්පනය වන සරසුලක්, එම සංඛ්‍යාතයට සංවේදී වස්තුන් සමග අනුනාද වෙයි. හමුදා කණ්ඩායම පාලම මතදී “මාච්” කරන්නේ නැත්තේ ඒ නිසාය. ගප්පියා සමග අනුනාද වීම එතරම් පුදුමයක් නොවේ. අපේ පාසල් ජීවිතය ගප්පියා සමග වෙනස් වැනී බස් හෝල්ට් එකක දුරිනි. (මරදාන සහ පුංචි බොරැල්ල) ගප්පියා අපේ පරම්පරාවේ පොදු කතා ගොඩක සංකලනයකි.

ගප්පියා නිසා නින්දෙන් අවදි වූ ලන්ඩනයේ ඩයසපෝරික මතක ඊයේ පෙරේදා බ්ලොගය තුලින් අඳුනාගත් කිහිප දෙනා වෙත නැවත මෙසේ පුද කරමි.

*

final

*

කින්ග්ස්බරි හන්දියේ මගේ කුඩා කාමරයේ තිබු සුවිශාල “චේ ගුවේරා” පෝස්ටරය, මට ලිවීමට බලකළ

| හේ නමින් අර්නස්ටෝ “චේ” ගුවේරා ය. | 

*

*

*

IMG_0534-798534සංක්‍රමණික අත්දැකීම් මා හට ලිවීමට බලකළ Delon සමගින් “ඇමරිකානු සිහිනය” | The American Dream

සහ

තිත්ත ඇත්ත! | the ugly truth

*

*

එංගලන්තයේදී ඉගෙනගත් සිංහල ඇතුලත් |එංගලන්ත සිංහල ශබ්දකෝෂය|

සහ

ඉංග්‍රීසි භාෂා භාවිතය පිලිබඳ  අයි කැන් ස්පීක් විතරක් නෙමෙයි…!

 *

ලන්ඩනයේ “කල්ලන් ” අහන ජාතියේ “ගැන්ස්ටා” සින්දු තේරනව වගේ අහන ඇත්තටම තේරුම දන්නේ නැති, උන් අදිනවා වගේ ඇඳුම් අදින අපේ උන්ට තේරුන් ගන්න ලියපු

“මට ඕනේ සාර්ථක වෙන්න විතරයි.| i just wanna be successful”

 *

nihal-1*

1996 ලෝක කුසලාන අවසන් තරගයේදී සිංහ කොඩිය අරන් පිට්ටනිය වටේ දුවපු “ලයනල් ” අයියා, හිටපු ජනාධ්පති ප්‍රේමදාස මහතාගේ මාධ්‍ය ලේකම් එවන්ස් කුරේ ආදී අතිමහත් එංගලන්තයේ සිංහල දෙමල  ඩයසපෝරික ප්‍රජාව මතක් වෙන්නට ලියු සටහනක්.

ඩයසපෝරික චරිත – නිහාල් අර්ථනායක හෙවත් ” DJ නිහාල් “

388467_2806997019853_1447959331_n (2)

*

x

ගේ දොර හරි උකස් කරං

මෙහෙට හනික වරෙන් මචං

රස්සා දෙක තුනක් කරං

සල්ලි හොයමු  එලට මචං

කොලේජ් එකට ගියත් මචං

වැඩක් නෑනේ මරුනේ මචං

මාරම ෆන් මෙහෙදී මචං

උඹ එනවද ලඟදි මචං

මෙහෙ කෙල්ලන් පිස්සු මචං

දැක්කොත් උඹ අඬයි මචං

උඹ ආවොත් අපි දෙන්නත්

පැනලා ලවු කරමු මචං

ලිපියේ තව නොලිව්වට

තව වැඩ ගොඩයි මචං

මම දැන් මෙහේ පොර! නේ මචං

යාළුවො සෙට් ගොඩයි මචං.

මෙහෙ ආ මුල් දිනේ පටන්,

කරන්න වැඩ ගොඩයි මචං.

බැලූ බැලු ඇත පිස්සු මචං!

මටත් පිස්සු ඩබල් මචං.

සල්ලි අතේ ඇතොත් මචං,

සුරලෝකේ ලගනේ මචං

කණ පැලෙන්න බොන්න මචං,

විස්කි ජාති ගොඩයි මචං.

ලංකාවේ ඉද්දී මචං,

නිදහස නෑ අපිට මචං.

මාරම හැපී මෙහෙදී මචං,

උඹත් වරෙන් වීසා අරන්!

 *

මොකා ලිව්වා කිව්වා ගායනා කළා උනත් එංගලන්තයේ ඇත්ත ඕක තමයි !!!

 *

*

*

හීතල රටේ දුක තුනී වෙන්නට ලියු කවි කිහිපයක්.

*

  = සාක්ෂිය =

 ෆයිනලස්කා ට. | finalaskaa

= ජීවිතය =

කාලයේ වැලිතලාව | under the sands of time

*

ඉතිහාසය තරමට අපට පාඩම් කියාදෙන වෙන කිසිම දෙයක් නොමැත.

ඉතිහාසය නැවත නැවතත් සිදුවේ.

කාලයේ දුවිල්ලට හසුවී සැඟවී ඇති ඇතැම් සිදුවීම් සත්‍ය ලෙසම

සිදුවූවාද යන්න විශ්වාස කිරීමට අපහසු තරමට විශ්මයජනකය.

අනෙක් අතට අප විසින් ගත කරන ලද අතීත කාලය,

මේවන විට ඉතිහාසයට  එක්වී අහවරය.

ඉතිහාසය අපව කෙසේ නම් කරාවිද යන්න කාලයට සාපේක්ෂය වේ.

විටෙක ප්‍රගතිශීලීන් වන පුද්ගලයින්,

විටෙක ප්‍රතිගාමීන් බවට පත්වෙනු ඇත.

*

*

ඉතිහාසය පොඩි හෝ වරදකට ඉඩ නොදෙයි.

ඉතිහාසය ඒ තරමට ඉවසිලිවන්තය.

එයට ඕනෑතරම් කාලය තිබේ.

අද දිනට ඕපාදුපයක් කට කතාවක් පමණක් වුනු දේ,

ඉතිහාසය විසින් සාක්ෂි සහිතව අප ඉදිරියේ දක්වනු ඇත.

අපේ පරම්පරාව විසින් කරන ලද දේවල් අනාගත පරම්පරාව අර්ථ දක්වන

ආකාරය අපට ජීවත්ව සිටීමට වාසනාව ඇත්නම් දැකගත වනු ඇත.

එසේම අපි අනාගතයට ඉතිහාසය පිලිබඳ සාක්ෂිකරුවෙක් වනු ඇත.

පහත වීඩියෝව දෙවෙනි ලෝක යුධ සමයේ සිදුවීම් මාලාවකට එවැනි සාක්ෂියක් සපයයි.

*

*

එවකට හිට්ලර් පාලනය කල ජර්මනිය එවකට ලොව දියුණු සහ තියුණුම තාක්ෂණයට හිමිකම් කීවේය.

මිත්‍ර හමුදා ජර්මනියට පහර දුන්නේ තුන් පැත්තකිනි.ඒ ඇමරිකාව රුසියාව අතුලුවයි.

කතාවේ හැටියට රුසියාවට තාක්ෂණික රහස රැගත්  ජර්මානු පත පොත වැඩිපුර හමුවුණු අතර,

ඇමරිකාවට ජර්මානු විද්‍යාඥයන් අත්පත් කරගැනීමට හැකිවුණි.

පසුකාලීනව මෙම රටවල් වල තාක්ෂණික දියුණුවට මෙය පැහැදිලිවම බලපෑවේය.සීතල යුධ සමය , අභ්‍යවකාශ තරගය

හමුවේ සැමවිටම රුසියාව ඉදිරියෙන් සිටියේය.ඔවුන් ලොව පළමු චන්ද්‍රිකාව පමණක් නොව පළමු මිනිසා සහ ගැහැනිය අභ්‍යවකාශයට යැවීමට සමත් විය.

තවද ඇමරිකාව මිනිසුන් හඳට යැවීමට ප්‍රථම හඳ මතට  යානාවක් යවා යාන්ත්‍රිකව පස පොළොවට රැගෙන ඒමට ඔවුන් සමත් විය.

එසේනම්, එතරම් තාක්ෂණිකව රුසියාවට පසුපසින් සිටි ඇමරිකාව එක්වරම මිනිසුන් හඳ මතට ගොඩබස්වා අභ්‍යවකාශ තරගයේ පෙරමුණ ගත්තේ කෙසේද?

*

*

වසර කීපයකට පෙර ජයන්ත චන්ද්‍රසිරි අධ්‍යක්‍ෂනය කල ගරිල්ලා මාකටින් චිත්‍රපටියේ විපක්ෂ දේශපාලනඥයාගේ (ශ්‍රියන්ත මෙන්ඩිස් චරිතවත් කල) වැකියක් තවම මගේ මතකයේ රැදී ඇත.

*

“අර නීක්ශේ කියන දාර්ශනිකයා එක වතාවක් කිව්වා,

ගහකට අහස උසට ලඟා වෙන්න ඕනේ නම්,

එහි මුල් අපායට විහිදිලා තියෙන්න ඕනේ කියල. ”

*

*

*

මේ අයුරින්ම ඇමරිකාව අභ්‍යවකාශ තරගය ජයගගත් මාවත අසල අභ්‍යවකාශ තරගයේ අදෘශ්‍යමාන තෙවැනියා රැදී සිටියි.

පැරණි යුගොස්ලාවියානු සමුහාන්ඩුවේ රහස්  අභ්‍යවකාශ වැඩසටහන ලබා තිබූ දියුණුව,

ඇමරිකානු යුගොස්ලාවියානු සබදතා ඇතිවීම,

ඇමරිකාව ක්ෂණිකව අභ්‍යවකාශ තරගහි පෙරමුණ ගැනීම

සහ ඇමරිකානු ධනයෙන් යුගෝස්ලාවියාව දියුණුවට පත්වීම එකම සිදුවීම්ජාලයක ප්‍රතිපලයන් වේ.

මෙම සිදුවීම සහිත වාර්තාමය චිත්‍රපටිය ලබන වසරේ එලි දැකීමට නියමිතය.

+*

Delon සමගින් “ඇමරිකානු සිහිනය” | The American Dream


ඉර ගිනිගන්නවද කොහෙද?
මගේ පිටත් පිච්චෙනවා.
මගේ රට වෙච්ච මේ දුපත උඩ වාඩිවෙලා ඉන්න,
තරුණයාගේ කතාවයි මේ.
මම මේ ඉන්න තැන ඉඳන් එහා ලෝකයේ තියෙන්නේ මොනවද කියල බලනවා.
සැප සම්පත් වලින් පිරිච්ච ,
දියුණුයි කියල අහල තියෙන,
දැකල නැති,
තැනකට කුරුල්ලෙක් වගේ පියාඹන්න තිබුනා නම් හොඳයි.

“ඇමරිකාව” තමයි ඒ තැනට කියන නම.
එහෙ තමයිලු ලෝකෙ හොඳම කාර් තියෙන්නේ.
එහෙට ගියාම මිනිහෙකුට තමන්ගේ වටිනාකම හතර ගුණයකින් වැඩිකරගන්න පුළුවන්ලු.
එහෙම වුනොත් සමහරවිට මට මගේ පවුල මේ වැටිලා තියෙන වලෙන් ගොඩගන්න පුළුවන් වේවි.

ඒ වුනාට හැමදාම අම්මා අඬන හැටි මතක් වූනාම හරියට දුක හිතෙනවා.
ඇය ඉන්නේ ලෙඩින්,
දොස්තරලා කියනවා,
ඇයව ජීවත් කරවන්න අමාරුයිලු.
අයව ජීවත් කරවන්න බෙහෙත් ගන්න සල්ලි නැහැ.
දෙවියනේ ,
මම ප්‍රාර්ථනා කරන්නේ,
ඇයව අපෙන් අරගෙන යන්න එපා.

අපි මෙහෙ ඉඳන් ලොතරයියත් දැම්මා,
අපිට වීසා එකක් හම්බවෙලා ඇමරිකාවට යන්න ලැබෙන්න.
මගේ ගුරුතුමිය දවසක් මට කිව්වා,
මම කවදාහරි “තරුවක්” වෙනවලු.
ඇය කිව්වා,
මම තමයිලු කවදාහරි අපිව සෑහෙන දුරකට අරගෙන යන්නේ කියල.

මට මතකයි ඉස්සර අපි කොහේ හරි යනකොට බඩගිනි උනාම
අතරමගදී නවත්තනවා.
ඇත්තටම එක මාර විහිළුවක්,
සීනි පාන් 1ක් රුපියල් 30යි,
අම්මෝ! මට බඩගිනියි!
4ක් ගානවා,2ක් ඕනේ මගේ බඩ පුරවා ගන්න.
එක ඇමරිකාවේ සල්ලි වලින් ඩොලර් 1යි සත 20යි
දැන් පේනවනේ අපි ජීවත් වෙන විදිය සුන්දර නැහැ.
ඒ වුනාට අපි සතුටින් ඉන්නේ.
ඉස්කෝලේ ඇරිලා හැමදාම හවසට ක්‍රිකට් ගහනවා.

ඔහු මට දේවල් ගොඩක් කියල දුන්න.
කොහොමද පරිපුර්ණ මිනිහෙක් වෙන්නේ කියල.
අපි ගමෙන් ආපු ය උනාට අපිටත් ලෝකයට මුහුණ දෙන්න පුළුවන් කියල.
ඔහු මට ලබා දුන්නු ආකල්පය තමයි,
සිතින් ධෛර්යයමත් වෙන්න ඕනේ,
ඒ වුනාට කරන දේ නිරහංකාරව කරන්න ඕනේ.
කවදාවත් කිසිම කෙනෙකුට මම දිහා බලල හිනාවෙන්න දෙන්න එපා,
මොකද මම රජෙක්,සිංහයෙක්,සිංහලයෙක්….!

මම මේ දේ කියන්නේ ජීවිත් ගැටගහගන්න දඟලන අයට.
මම මගේ සිහිනය සැබෑ කරගෙන ,
මගේ සිහිනයේ තමයි ජීවත් වෙන්නේ.
තමන්ට ජීවිතේ පතන දේවල් ලැබෙන්නේ නැහැ කියල හිතන්නේ නැතුව,
කරදර මැදින් තමන්ගේ ඉලක්කය වෙත යන්න.
මම තරුණයන්ට ඇත්ත කියන්නේ.
කවදාවත් ගනු ළමයින්ට බොරුකියන්න එපා,
කරන්න එපා.
හැමවෙලේම නියම පිරිමියෙක් වගේ ඇත්ත කියන්න.
ඔබට තියෙන්නේ සංක්‍රමනිකයෙකුගේ පාස්පෝර්ට් එකක් වුනාට ඔබටත් ඉහලටම යන්න පුළුවන්.
මම එකට හොඳම සාක්ෂියක්.

උඩ තියෙන්නේ ඩිලෝන්ගේ වීඩියෝ එකේ රැප් එකේ දල සිංහල පරිවර්ථනය.
මම මේක ලියපු කොලේ දැකල යාලුවෙක් අහනවා,
” අඩේ, ඇත්තටම මූ මෙහෙම දෙයක්ද රැප් එකෙන් කියන්නේ? ” කියල.
මම ඩිලෝන්ගේ පෞද්ගලික ජීවිතේ ගැන හරි වෙනත් විස්තර දන්නේ නැහැ.
නමුත් ඔහු කියන්න හදන දේ මට තේරෙනවා.

මම ඔහුව දකින්නේ ලොවපුර විහිදී ඉන්න සිංහල ඩයසපෝරාවේ ප්‍රභල පුරුකක් හැටියට.
ලංකාවේ තරුණයන්ට ( හැමෝටම නෙමෙයි ) පිටරට යන උණක් තියෙනවා.
තව සහැරුන්ට විවිධ හේතු නිසා යන්න සිද්ධ වෙනවා.
අධ්‍යාපනය,රැකියා,දේශපාලන රැකවරණ, ආදී විවිධ හේතු.

මේ විදියට රටෙන් පිටවෙච්චි හැමෝම දන්නා කටුක යතාර්ථය තමයි,
ඕනෙම රටක ” ජීවිතේ ගැටගහගන්න එක – survival ” හරිම අමාරුයි කියන එක.
යම්කිසි තත්වයකට එන එක ඊටත් වැඩිය අමාරුයි.
තැනකට එන්න හම්බවෙන්නේ සැහෙන්න අපා දුක් විඳලා. ( බහුතරයකට )

ලංකාවේ ඉන්න අයට මේ කතාව කිව්වට,
කවදාවත් තේරෙන්නේ නැහැ.
ඇවිල්ලම බලන්න ඕනේ.

“කොහොමද මචන් එංගලන්තේ?” කියල ඇහුවම,
“අම්මටසිරි එපා වෙලා තියෙන්නේ,
කොච්චර හම්බකලත් ඉතුරුවක් නැහැ,
ඒ මදිවට මේ දවස් වල ඉන්න බැහැ බං සීතලයි.
ජීවිතේ එපා වෙලා ඉන්නේ” කිව්වම,
යාළුවා කියනවා,

“පිස්සුද බං,
එංගලන්තේ නං හුළඟත් සැපයි ,
උඹ ඉන්නේ එංගලන්තේ නෙමෙයි වෙන්න ඇති” කියල.

මේ කතා අතරට ඩිලෝන් එන්නේ,
ඔහු තාම ” අපේකම “ අමතක කරලා නැති නිසා,
ඔහු තාම ලංකාවට ආදරේ නිසා.
ඔහුට තවම මුල මතක නිසා.

මම ලඟදි කින්ග්ස්බරි වල ලංකාවේ අවන්හලක මට එහා පැත්තේ මෙසේ
නැඟී කෙනෙක් අනිත් නංගිට කියන ඇහුන,
” අර කොහෙද අනේ ලංකාවේ long – distance බස් නවත්තන්නේ?,
මම හුඟ කාලෙකට කලින් එතනින් wood-apple එකක් බිව්වා ,
මාර රසයි අනේ “.

මාර ගේමක් දීල හිනායන එක නවත්තගත්තේ.
පිටකොටුවේ ගුණසිංහපුර බස් නැවතුම්පොළේ
පෙට්ටි කඩේකින් බීපු දිවුල් වීදුරුවේ රස තවම මතක තියෙන එක හොඳයි.
ඒ වුනාට එතන තිබුනේ මාර අහන්කාරකමක්.
මට පස්සේ දුක හිතුනා.

ඔන්න ඔහොම සුද්දට, පවුන් වලට ලංකාව විකුණන ලාංකිකයෝ ඉන්න ලෝකෙක,
ඩිලෝන් අපිට ආඩම්බරයක්!


අතුරු සබැඳි:

ඩිලෝන් - myspace පිටුව
ඩිලෝන් - wikipedia   පිටුව 
ඩිලෝන් - නිල වෙබ් අඩවිය